வெளிச்சத்தின் வேகம் நாம்!
விதையின் வீரியம் நாம்!
திசைகளை திருப்பிப்போடுவோம்!
மேற்கிலும் உதயம் காண்போம்!
கிழக்கில் எப்போதும்
எங்கள் உதயம் தான்!
விலாசம் தேடி சூரியன்
வேறுதிசை போகட்டும்!
போர்கள் வேண்டாம்!
போர்க்களம் வேண்டாம்!
மதப் போர்வைகள் கிழிப்போம்!
மனித நேயம் வளர்ப்போம்!
ஆயுள் ரேகையில்
அனுபவம் வளர்ப்போம்!
காலத்தின் நெற்றியில்
நம் சுவடுகள் பதிப்போம்!
நம்மை எழுதிக்கொள்ள
சரித்திரத்தின் பக்கங்கள்
காத்துக்கிடக்கின்றன!
நம்மை வாசிக்க
பல நூற்றாண்டுகள் ஏங்குகின்றன!
உழைப்பின் வேள்வியில்
வியர்வை சிந்துவோம்
வெற்றி என்னும் வரம் பெறுவோம்!
No comments:
Post a Comment